Расейскіх дэсантнікаў «перамалолі» на Агрэгатным заводзе ў Ваўчанску

• 29.06.2024, 17:17

Магутны ўдар 116-й брыгады УСУ паказалі на відэа.

28 чэрвеня расейскія дэсантнікі, якія заселі на Агрэгатным заводзе ў Ваўчанску Харкаўскай вобласці, апынуліся пад «пятой» снарадаў і мінаў 116-й АМБр, паведамляе dialog.ua.

«Гэта вам за “Азоўсталь”», – гаворыцца ў подпісе да відэа.

У Khorne Group Battle for Kharkov адзначылі, што на заводзе «перамолвалі» 83-ю паветрана-дэсантную брыгаду арміі РФ. На запісе абстрэлу пад музыку нямецкага кампазітара Рыхарда Вагнера можна ўбачыць і пачуць прылёты па будынках прадпрыемства. Будынкі ўздрыгваюць ад выбухаў, усё вакол ахутана слупамі дыму.