Навукоўцы: Аднолькава прыгожыя партнёры часцей ствараюць трывалыя пары

• 29.06.2024, 16:26

А пасля – сем'і.

Амерыканскія навукоўцы з Універсітэта штата Фларыда і іншых навуковых устаноў высветлілі, як прывабнасць людзей уплывае на іх шанцы пабудаваць дачыненні і ўзяць шлюб. Даследаванне апублікавана ў навуковым часопісе Personality and Individual Differences (PID).

Каманда прааналізавала адказы блізу 1,3 тысячы пар і высветліла, што мужчыны і жанчыны не толькі даволі добра ацэньвалі ўласную прыгажосць, але і, як правіла, выбіралі партнёраў з падобнай самаацэнкай.

Паколькі звесткі ахоплівалі вялікі прамежак часу з 1972 года, даследчыкі змаглі вывучыць, як за мінулыя паўстагоддзя мяняліся ўяўленні аб прывабнасці мужчын і жанчын.

Яны высветлілі, што некаторыя аспекты прыгажосці змяніліся ў апошнія дзесяцігоддзі, аднак агульныя рысы засталіся аднолькавымі для розных культур і эпох.

Некаторыя ўключаныя ў даследаванне матэрыялы былі сканцэнтраваны на маладых парах у пачатку рамантычных, у той час як іншыя былі арыентаваны на мужа і жонку ў працяглым шлюбе.

Навукоўцы адзначылі, што сярод пар, якія доўга былі разам, мужчыны пачыналі больш дакладна ацэньваць сваю прывабнасць.