Украіна адказала беларускім вайскоўцам

• 29.06.2024, 17:05

Лукашэнкаўскія генералы заблыталіся ў паказаннях.

Расея запусціла інфармацыйную аперацыю нагнятання на мяжы з Беларуссю. Дагэтуль падключылі Z-«ваенкараў», якія расказваюць, што Украіна рыхтуе напад.

Пра гэта заявіў кіраўнік Цэнтра супрацьдзеяння дэзінфармацыі пры РНБА Украіны Андрэй Каваленка. З ягоных слоў, РФ прыдумляе розныя ўкіды, якія адпрацоўваюць беларускія памежнікі.

«Сама ж пагроза паступае з Беларусі – там ёсць расейскія ДРГ. Задача расейцаў простая – за кошт нагнятання адцягнуць больш нашых сіл туды. Любая інфармацыя аб нашай актыўнасці ў памежжы з'яўляецца хлуснёй. Наяўнасць расейцаў з боку Беларусі ў якасці ДРГ – ёсць. Але для ўварвання сіл там няма», – адзначыў Каваленка.

У той жа час Дзяржаўная памежная служба Украіны чарговым разам падкрэсліла, што любыя дзеянні Сіл абароны на мяжы з Беларуссю накіраваны на абарону нашай дзяржавы ад агрэсіўных дзеянняў ворага.

«Ім (беларусам – заўв.) мроіцца сцягванне самых разнастайных падраздзяленняў, усяго наяўнага ўзбраення і тэхнікі. Каго і што яны толькі не ўзгадвалі, і хто ўжо толькі не рабіў такія заявы. Імаверна і самі заблыталіся ў сваіх сведчаннях. Гэта зноў вельмі нагадвае тэзы аб тым «адкуль рыхтавалася наступленне». Магчыма, і мапы ўжо намалявалі», – заявіў прадстаўнік ДПСУ палкоўнік Андрэй Дземчанка ў каментары «Украінскай праўдзе».

Ён зазначыў, што Украіна не нясе для Беларусі пагрозы, а наадварот вымушана абараняцца. Дземчанка дадаў таксама, што Украіна нарошчвае фартыфікацыйныя магчымасці менавіта для абароны, і зусім не нападзенні. Таму ніякіх правакацый, як пра гэта заяўляе беларускі бок, у гэтым няма.