Расейская дзятва едзе ў КНДР

• Telegram-канал «СерпомПо»
• 29.06.2024, 21:15

Падарунак ад Пуціна.

Створаны з яго падачы Рух першых у канцы ліпеня апраўляе дзятву на адпачынак у лагер «Сандавон» у Паўночную Карэю.

Кіраўнік руху запэўнівае, што гэта «абсалютны аналаг «Артэка», там добрыя ўмовы». І хоць запрашэнне толькі прыйшло, Гураў упэўнены, што ахвочых будзе шмат, тым больш хлопцы паедуць «са старэйшымі, важатымі».

У адказ кімаўскую дзятву запросяць у «Артэк», «Арляня», «Змену», «Акіян». Юных паўночнакарэйцаў, відаць, будуць суправаджаць канваіры, а хадзіць яны будуць шыхтамі.

Расейскія дзеткі таксама могуць гэтаму павучыцца ў краіне, дзе перамагло чучхе. Спатрэбіцца на радзіме, якая імкліва скочваецца да паўночнакарэйскага варыянту.

Telegram-канал «СерпомПо»