Літва спыніла працу пункта пропуску «Меднікі — Каменны Лог»

• 14.07.2024, 19:25

Спыненае афармленне транспарту з Беларусі.

На беларуска-літоўскай мяжы ў пункце пропуску «Меднікі» часова прыпыненае афармленне тых, хто перасякае мяжу на выезд з Беларусі, паведамляе Дзяржпагранкамітэт Беларусі.

Паводле інфармацыі ад літоўскага боку, з 3 гадзін ночы 14 ліпеня на пункце адзначаюцца праблемы ў рабоце праграмнага забеспячэння. У сувязі з гэтым літоўцы праз тэхнічныя прычыны часова спынілі пропуск легкавога і грузавога транспарту, які ідзе з Беларусі ў Літву.

Пры гэтым у кірунку Беларусі транспарт афармляюць і прапускаюць у штатным рэжыме.

Аб аднаўленні пропуску ў абодва бакі ДПК паабяцаў паведаміць дадаткова.

У той жа час у Дзяржаўным мытным камітэце дадалі, што з 9.00 літоўскі бок аднавіў афармленне легкавых машын і аўтобусаў, аднак вырабляе яго вельмі марудна: за 2,5 гадзіны прапусцілі толькі тры аўтобусы і пяць легкавушак з Беларусі.

Што да грузавікоў, за 12 гадзін з дзявяці вечара да дзявяці раніцы было аформлена ўсяго 40 цяжкавікоў, а з 9:00 літоўцы не прынялі ніводнага аўтамабіля. Выезду ў Літву чакаюць амаль 500 грузавікоў, аформленых беларускімі мытнікамі.