Трамп пасля замаху накіраваў сваім прыхільнікам ліст з кароткім пасланнем

• 14.07.2024, 12:34

Перад гэтым палітык у падрабязнасцях расказаў, што адбылося.

Праз некалькі гадзін пасля замаху Дональд Трамп зрабіў заяву ў сваёй сацыяльнай сетцы Truth Social, паведамляе The Washington Post.

«Я хачу падзякаваць Сакрэтнай службе ЗША і ўсім праваахоўным органам за іх аператыўнае рэагаванне на стральбу, якая толькі што адбылася ў Батлеры, штат Пенсільванія. Самае галоўнае, я хачу выказаць спачуванні сям'і загінулага на мітынгу чалавека, а таксама сям'і іншага чалавека, які атрымаў цяжкія раненні. Неймаверна, што такі акт можа адбыцца ў нашай краіне», - напісаў Трамп.

З яго слоў, куля, якая трапіла ў яго, прабіла верхнюю частку правага вуха.

«Я адразу зразумеў, што нешта не так, бо пачуў свіст, стрэлы і адразу адчуў, як куля прабіла скуру. Здарыўся моцны крывацёк, і тады я зразумеў, што адбываецца».

Таксама Трамп пасля замаху накіраваў сваім прыхільнікам электронны ліст з кароткім пасланнем, паведамляе тэлеканал CNN.

«Гэтае пасланне ад Дональда Трампа. Я ніколі не здамся! - Напісаў ён.