Абмежаванне на наведванне лясоў знялі ў палове раёнаў Беларусі

• 14.07.2024, 13:38

Апублікаваная мапа.

У Беларусі часткова знялі абмежаванні на наведванне лясоў. Паводле звестак Міністэрства лясной гаспадаркі, з сённяшняга дня свабодны доступ у лясы адкрыты прыкладна ў палове раёнаў краіны.

Раней праз высокую пажаранебяспеку, выкліканую спякотным надвор'ем, наведванне лясоў было абмежаванае ва ўсіх 118 раёнах Беларусі. Цяпер абмежаванні захоўваюцца толькі ў 63 раёнах.

У раёнах, дзе абмежаванні ўсё яшчэ ў дзеянні, устаноўлены трэці клас пажаранебяспекі. Гэта азначае, што наведваць лес можна толькі пешшу - для шпацыраў, збору грыбоў і ягад. Пры гэтым уезд на аўтамабілі і развядзенне агню па-ранейшаму забароненыя.

Абмежаванні працягваюць дзейнічаць у большасці раёнаў Берасцейскай, Віцебскай і Гомельскай абласцей, а таксама ў асобных раёнах Гарадзенскай, Менскай і Магілёўскай абласцей.