Байдэн і Маск абмяняліся шпількамі

• 18.07.2024, 10:10

Найбагацейшы чалавек ЗША адказаў кіраўніку Белага дома смайлікам.

Бізнэсовец Ілан Маск пракаментаваў абвінавачанні прэзідэнта ЗША Джо Байдэна ў спробе «купіць выбары», піша РБК.

«Я бясплатна жыву ў яго галаве 🤣🤣», - напісаў Маск.

Слэнгавы выраз аб «бясплатным жыцці» (rent-free) азначае сталую прысутнасць у думках і значны ўплыў на эмоцыі.

Маск перш гадамі іранізаваў з Байдэна, сцвярджаючы, што той «ледзь разумее, што адбываецца», але дзейны прэзідэнт не рэагаваў на яго нападкі публічна.

Адказ рушыў услед за тым, як Wall Street Journal даведалася аб намеры мільярдэра ахвяраваць па $45 млн на месяц на кампанію рэспубліканскага кандыдата Дональда Трампа. Маск зняпраўдзіў гэтую інфармацыю, хаця публічна казаў пра поўную падтрымку былога прэзідэнта.

«Я стаміўся ад Ілана Маска і яго багатых сябрукоў, якія спрабуюць купіць выбары», – напісаў Байдэн.

«Самы багаты чалавек у свеце цяпер у камандзе MAGA», Маск «выкарыстоўвае сваё багацце, каб паспрабаваць кантраляваць нашу дэмакратыю», – адрэагаваў штаб Байдэна. Прадстаўнік штаба таксама адзначыў, што Амерыка не мае патрэбы ў «напышлівых мільярдэрах, якія клапоцяцца толькі пра сябе».