Кіраўнік Мінабароны Украіны распавёў, што будуць рабіць УСУ, калі ў ЗША пераможа Трамп

• 18.07.2024, 11:37

Рустэм Умераў заявіў, што верыць у амерыканскае лідарства.

Украіна знойдзе спосаб супрацьстаяць войскам Расеі, нават калі былы прэзідэнт ЗША Дональд Трамп пераможа і паставіць пад пагрозу жыццёва важную амерыканскую падтрымку.

Аб гэтым заявіў міністр абароны Украіны Рустэм Умераў у сваім дыстанцыйным выступе на штогадовым Форуме па бяспецы ў Аспене, Каларада, паведамляе РБК-Украіна са спасылкай на AP.

«Мы верым у лідарства ЗША, і мы верым, што Амерыка хоча, каб яе партнёры і хаўруснікі таксама былі моцнымі», - сказаў Умераў.

«На гэтым этапе мы засяродзімся на полі бою. Якім бы ні быў вынік выбараў у ЗША, мы знойдзем развязанне», - дадаў ён.

Умераў адзначыў, што Украіна пашырыла мабілізацыйныя намаганні і працягне змагацца, каб вярнуць тэрыторыі.

З яго слоў, «у рамках нашых мэт» - вярнуць Запарожскую атамную электрастанцыю, захопленую расейцамі ў пачатку іх наступлення.

Умераў падкрэсліў, што Украіна не можа спыніць расейскія ўдары па сваіх гарадах і інфраструктуры, калі не зможа знішчаць авіябазы і іншыя вайсковыя аб'екты на тэрыторыі РФ, адкуль наносяцца ўдары.

«Мы хочам гэта гучна сказаць: мы робім упор на вайсковыя аб'екты, каб яны не маглі знішчаць мірных жыхароў ва Украіне», - сказаў ён.