Расейскае войска спецыяльнага прызначэння зачышчае камандзіраў ПВК «Вагнер»

• 18.07.2024, 14:13

Акупантаў абвінавацілі ў "ваенных грахах".

Расейскае камандаванне надумала выкараніць былых наймітаў ПВК “Вагнер” з камандавання так званым Істрынскім палком.

Першапачаткова гэты імянны асобны батальён быў створаны як аб'яднанне «вагнераўцаў» пры падтрымцы падмаскоўных уладаў.

Са слоў крыніцы праекта, блізу двух месяцаў таму ў размяшчэнне батальёна наляцелі ўзброеныя байцы ССА, якія збілі і вывезлі істрынскае камандаванне.

Як высветлілася, спецназаўцы пасадзілі былых наймітаў у яму для 500-х, вайскоўцаў, якія адмовіліся ваяваць, і абвінавацілі ў шматлікіх «ваенных грахах», напрыклад, у крадзяжы гуманітарнай дапамогі.

Са слоў саміх экс-наймітаў, увесь гэты час з імі абыходзіліся непрыстойна і ўрэшце адпусцілі са словамі, што час «Вагнера» скончыўся. Усіх перавялі ў іншыя падраздзяленні, паколькі ў былых наймітаў падпісаны кантракт з Мінабароны.