Калі не ішлі, ззаду пачыналі расстрэльваць

• 21.07.2024, 10:07

Непісьменны акупант распавёў пра расейскія «мясныя» штурмы.

Ягораў Рыгор з расейскага горада Омска, сам з дзіцячага дома, пісаць і чытаць не ўмее. Да палону расеец служыў у 19-м танкавым палку, 67-й дывізіі, 25-й агульнавайсковай арміі РФ.

Акупант узгадаў, як ён і яго калегі баяліся ісці на штурм, інфармуе Цензор.НЕТ.

«Ідзіце наперад, ідзіце наперад! А мы наперад не хочам ісці. Нас прымушаюць сілай. Стаіць ззаду нас атрад, які людзей расстрэльвае. Калі не ідзём, пачынаюць расстрэльваць», - узгадвае акупант.

Гэтыя атрады складаліся з кадыраўцаў. Пры сталых наступах колькасць страт сярод войска РФ велізарная, а загінулых імкнуцца забіраць з поля бою толькі афіцэраў.