У Гомельскай вобласці дагэтуль не могуць аднавіць электрычнасць пасля ўрагану

• 21.07.2024, 10:21

Лукашэнкаўскі міністр прызнаў, што «сітуацыя напружаная».

Наступствы ўрагану, які пранёсся над Беларуссю ў нядзелю, 14 ліпеня, дагэтуль ліквідаваныя не ўсюды. У Жлобінскім і Рэчыцкім раёнах у многіх дамах дагэтуль няма электрычнасці. Аб гэтым заявіў міністр энэргетыкі Віктар Каранкевіч.

- Мы дакладна разумеем, дзе і якія брыгады павінны працаваць. Усяго на дзень задзейнічаныя 148 аварыйна-рамонтных брыгад. Задача на сёння - закрыць усе заяўкі, якія маюцца ад насельніцтва. Дынаміка станоўчая, ужываем усе захады, каб як мага хутчэй выканаць запланаваныя работы, - паведаміў Каранкевіч.