Беларускі добраахвотнік Дзмітрый Рубашэўскі пасмяротна ўзнагароджаны ордэнам «Хрэст Героя»

• 21.07.2024, 13:54

Раней беларус атрымаў узнагароды ад Зяленскага і Залужнага.

Беларускі добраахвотнік Дзмітрый Рубашэўскі пасмяротна ўзнагароджаны ордэнам «Хрэст Героя», пра гэта піша тэлеграм-канал дабрачыннага фонду «Вільна Білорусь».

Ордэн урачыста ўручылі сям'і добраахвотніка - жонцы і дачцэ. Цырымонія ўзнагароджання прайшла ў Гарнізонным храме Львова.

Зміцер Рубашэўскі загінуў 12 красавіка 2022 года падчас баёў у Луганскай вобласці. Ён быў у складзе ротнай тактычнай групы, якая здзяйсняла вылазкі ў тыл расейскага войска.

Зміцер нарадзіўся ў Берасці, стаў добраахвотнікам у 2015 годзе. Атрымаў грамадскую ўзнагароду «Народны герой Украіны» за абарону шахты «Бутоўка» ў Данецкай вобласці, пасмяротна атрымаў ад Уладзіміра Зяленскага ордэн «За мужнасць». Гетман УСУ Валерый Залужны пасмяротна ўзнагародзіў яго «Хрестам Хоробрих».