Кітай і Беларусь адпрацавалі захоп аэрапорта каля мяжы з Польшчай

• 21.07.2024, 15:21

На незвычайную «легенду» вучэнняў звярнула ўвагу ганконжская газета.

Кітайскія і беларускія войскі адпрацавалі захоп аэрапорта падчас супольных «антытэрарыстычных» вучэнняў Eagle Assault (Атакуючы Сокал), піша ганконжская газета South China Morning Post.

Паводле звестак выдання, вучэнні прайшлі недалёка ад горада Берасця, які знаходзіцца за 28 км ад мяжы з Украінай і Польшчай.

«Беларуска-кітайскія паветрана-пошукавыя штурмавыя групы адпрацавалі пошук базавага лагера ўмоўнай тэрарыстычнай арганізацыі. А пасля яго выяўлення здзейснілі дэсантаванне з верталётаў Мі-8МТВ-5», - гаворыцца ў паведамленні абароннага ведамства Беларусі.

У ліку іншага была адпрацаваная аперацыя па ўзяцці кантролю над аэрапортам, які паводле сцэнару быў захоплены «тэрарыстычнай арганізацыяй».

Газета зазначае, што мінулыя вучэнні сталі першымі супольнымі манеўрамі дзвюх краін.