Круты: Гасподзь паслаў ураган, каб Лукашэнка пацешыўся, што створаная ім сістэма выстаяла

• 21.07.2024, 15:53

Такой думкі кіраўніка лукашэнкаўскай адміністрацыі не вытрымала нават прапагандысцкае выданне.

Такой думкі новага кіраўніка лукашэнкаўскай адміністрацыі Дзмітрыя Крутога не вытрымала нават выданне «СБ. Беларусь сегодня» - гэтыя словы прыбралі, паведамляе «Наша Нiва».

- У пятніцу, 19 ліпеня, наш лідар Аляксандр Лукашэнка пытаўся, за што Гасподзь паслаў Беларусі такое выпрабаванне ў выглядзе ўрагану. Адказ вельмі просты. Магчыма, гэта для таго, каб прэзідэнт узрадаваўся, што створаная ім за 30 гадоў сістэма выстаяла, вытрымала. Нягледзячы на выяўленыя кропкавыя праблемныя пытанні, ніякіх крытычных наступстваў не адбылося. Нашы людзі таксама вялікія малайцы. Ніякай панікі, усё спакойна, і таму спецыялісты робяць сваю працу. Выдатна, што вось у нас створаная такая сістэма, можам справіцца з усякімі выклікамі. Краіна працуе і развіваецца ў правільным кірунку! - Сказаў кіраўнік адміністрацыі Дзмітрый Круты падчас візіту ў Магілёўскую вобласць.

Пазней словы аб радасці дыктатара наконт урагану выданне прыбрала, але яны захаваліся ў кэшы.