CNN: Усе лідары Дэмакратычнай партыі падтрымалі Харыс

• 22.07.2024, 9:08

На яе прэзідэнцкую кампанію ўжо сабралі $47 мільёнаў.

Усе 50 кіраўнікоў штатаў Дэмакратычнай партыі падтрымалі Камалу Харыс як новую кандыдатку ў прэзідэнты ЗША ад партыі, паведамляе CNN са спасылкай на крыніцы.

Адзначаецца, што такі сігнал падтрымкі з'яўляецца апошняй прыкметай таго, што лідары партыі спрабуюць аб'яднацца вакол дзейнай віцэ-прэзідэнткі.

Нягледзячы на падтрымку прэзідэнта ЗША Джо Байдэна, пакуль невядома, ці стане яна афіцыйнай кандыдаткай і які працэс партыя будзе выкарыстоўваць для выбару альтэрнатывы, піша CNN.

Раней агенцтва Associated Press паведаміла, што амерыканцы сабралі ўжо блізу 47 мільёнаў даляраў дробных ахвяраванняў на перадвыбарную кампанію Харыс.