У Менску ёсць садовае таварыства, дзе цяпер прадаюцца тры лецішчы

• 22.07.2024, 20:07

Каштуюць яны танней, чым аднапакаёўкі ў сталіцы.

Бываюць лецішчы, якія знаходзяцца проста ў горадзе. Тры варыянты такой нерухомасці цяпер прадаюць у Менску ў садовым таварыстве «Дражня». Дабрацца туды можна на метро і грамадскім транспарце. «Люстэрка» паглядзела, што ўяўляе з сябе гэтая нерухомасць і колькі каштуе.

Цагляная хата плошчай амаль 52 «квадраты» знаходзіцца на надзеле памерам тры соткі. У доме ёсць электрычнасць, прадавец зазначыў, што ў садовым таварыстве сёлета запусцяць цэнтральнае водазабеспячэнне, таксама ў найбліжэйшы час плануецца правядзенне газу. Ёсць вялікая адрына і склеп.

На надзеле ёсць пладовыя дрэвы і кусты.

Нерухомасць прадаюць за 93545 рублёў, або 29500 даляраў. Адзначым, што ў канцы сакавіка гэтага года лецішча прапаноўвалі за 126840 рублёў, ці 40000 даляраў.

Зборна-шчытавы дом плошчай 30 «квадратаў» знаходзіцца на надзеле 8,5 соткі. Аб'ект пабудавалі ў 1982 годзе, у ім ёсць электрычнасць, каналізацыя мясцовая. Вада падаецца ў сезон.

Лецішча прадаюць за 110668 рублёў, або 34900 даляраў.

Двухпавярховы цагляны дом плошчай 46 «квадратаў» знаходзіцца на надзеле памерам 8,26 соткі. На ім ёсць глыбокі сухі склеп. На тэрыторыі таксама размешчаныя гаспадарчыя пабудовы, цяпліца, высаджаны пладовыя дрэвы і кусты.

Тэрыторыя надзелу абгароджаная.

Нерухомасць прадаецца за 130011 рублёў, або 41000 даляраў, а ў сярэдзіне чэрвеня яна каштавала 136353 рублі, або 43000 даляраў.