«Відаць, што Лукашэнка з узростам разумова здаў»

• 23.07.2024, 15:30

Як дыктатар выдаў непрывабныя факты пра беларускую эканоміку.

Ёсць пытанні да якасці якаснай прадукцыі ў год якасці. Такі «пэрл» выдаў Лукашэнка на нарадзе аб пытаннях развіцця прамысловасці, расказваючы аб супрацоўніцтве з Расеяй.

«Дыктатар пацешыў падштурхваннем развіваць супрацоўніцтва з прыязнымі краінамі «далёкай дугі», захаваннем аб'ёмаў працы з РФ. Паралельна ён патрабаваў скараціць крэдытныя запазычанасці ў замежным гандлі, у адваротным выпадку пагражаў турэмным зняволеннем.

У большасці дыктатур, якія вядуць справы з Лукашэнкам, элементарна няма грошай і нармальных эканомік. А расейцы праславіліся неплацяжамі беларускім прадпрыемствам. Расейскі ваенпрам - самы вялікі завінавачаны Беларусі. Улічваючы, што 80% беларускага экспарту ідзе ў РФ, складаецца бязрадасная карціна», - піша чытач сайта Charter97.org.

«Лукашэнка таксама паскардзіўся, што беларусы насуперак ягоным жаданням аддаюць перавагу купляць імпартную бытавую тэхніку, а не якасную беларускую. Прызнаў залежнасць беларускай прамысловасці ад РФ і Кітая. Летуценіў пра вяртанне супрацоўніцтва з ЕЗ.

Відаць, што Лукашэнка з узростам разумова здаў. Публічна выдае непрывабныя факты аб сітуацыі ў беларускай прамысловасці і гандлі, якія супярэчаць афіцыйнай прапагандзе», - рэзюмуе наш чытач.