Кіраўнік МЗС Украіны прыбыў у Кітай

• 23.07.2024, 18:02

Упершыню з пачатку вайны.

Кіраўнік МЗС Украіны Дзмітрый Кулеба прыбыў у Кітай з працоўным візітам.

Гэта ягоны першы візіт у краіну пасля пачатку вайны РФ супраць Украіны, адзначыў міністр.

Кулеба дадаў, што на сустрэчы з міністрам замежных спраў КНР Ван І ён плануе абмеркаваць мірныя шляхі ўрэгулявання вайны ва Украіне.

МЗС Кітая анансавала візіт Кулебы 22 ліпеня 2024 года. Як адзначалася, кіраўнік украінскага МЗС наведае КНР на запрашэнне Пекіна, візіт плануецца з 23 да 26 ліпеня.