ЗША і ЕЗ узгаднілі ўмовы выдачы Украіне крэдыту на $50 млрд
- 23.07.2024, 22:54
Крэдыт будзе выдадзены пад заклад даходаў ад расейскіх рэзерваў.
Краіны «вялікай сямёркі» ў агульных рысах дамовіліся па асноўных пунктах пагаднення аб фінансавай падтрымцы Украіны за кошт даходаў ад замарожаных рэзерваў Банка Расеі. Джо Байдэн, які вызваліўся ад неабходнасці змагацца за прэзідэнцкае крэсла, можа зрабіць дадатковыя намаганні, каб з поспехам скончыць гэты праект у прызначаны тэрмін.
Асноўныя спрэчкі вяліся аб тым, хто дасць сродкі і як забяспечыць гарантыі па закладу. У выніку было прапанавана, каб ЗША і Еўразвяз выдзелілі па $20 млрд, а Вялікая Брытанія, Канада і Японія - астатнія $10 млрд. Такія параметры змяшчаюцца ў рамачным пагадненні, якое ў сераду будзе абмяркоўвацца на сустрэчы міністраў фінансаў «сямёркі».
З дакументам азнаёмілася a target="_blank" href=https://www.politico.eu/article/eu-u-s-eye-deal-to-divvy-up-50-bn-loan-to-ukraine/>Politico.
Іншым каменем спатыкнення было пытанне аб гарантыях. У схеме мяркуецца выкарыстоўваць расейскія актывы прыкладна на 250-260 млрд еўраў, замарожаныя ў заходніх краінах. З іх 190 млрд еўраў знаходзяцца ў бельгійскім дэпазітарыі Euroclear, тады як у ЗША - усяго $5-6 млрд. Вашынгтон не хоча быць гарантам па крэдыце: гэта будзе азначаць, што ён забяспечваецца грашыма падаткааплатнікаў, і такое пагадненне павінен ухваліць Кангрэс, у якім частка рэспубліканцаў выступае супраць далейшай дапамогі Украіне.
Узнікае таксама пытанне аб тым, хто будзе несці адказнасць, калі, напрыклад, дружалюбны Расеі ўрад Вугоршчыны заблакуе падаўжэнне санкцый, якія ў ЕЗ аднаўляюцца кожныя паўгода. У такім выпадку актывы Банка Расеі апынуцца размарожаныя, і знікне забеспячэнне па крэдыце - будучыя даходы, якія налічваюцца на актывы і ацэньваюцца на 3-5 млрд еўра за год.
Каб зняць гэтыя асцярогі, расейскія актывы павінны заставацца замарожанымі, пакуль крэдыт не будзе выплачаны, намагаюць у Вашынгтоне. Прадстаўнікі ЕЗ прапанавалі ўпісаць у закон, што рэзервы застануцца замарожаныя, пакуль Расея не выплаціць Украіне пасля вайны кампенсацыю за ўварванне і прчыненую шкоду, распавялі Politico два еўрапейскія дыпламаты.
Гэтае пытанне таксама будзе абмяркоўвацца ў сераду, але ўжо на сустрэчы паслоў краін ЕЗ, прынамсі, тэма замарожаных актываў прысутнічае ў праекце парадку дня сустрэчы, з якім азнаёмілася выданне.
На саміце ў пачатку ліпеня лідары краін «сямёркі» дамовіліся выдаць Украіне крэдыт на $50 млрд да канца года. Джо Байдэн можа прыкласці дадатковыя намаганні, каб паспяхова скончыць гэты працэс. Зняўшыся ў нядзелю з выбараў прэзідэнта ЗША, ён прысвеціць астатнія паўгода свайго кіравання замежнай палітыцы, каб палепшыць свой імідж на сусветнай арэне. Для гэтага ў яго будзе больш часу, бо не трэба будзе ўдзельнічаць у перадвыбарнай кампаніі і прысвячаць асноўныя намаганні ўнутраным справам, гавораць эксперты. На іх думку, Байдэн нават можа дзейнічаць больш рашуча, бо не будзе звязаны дзейнымі дагэтуль унутранымі абмежаваннямі, піша Financial Times.
Байдэн пастараецца ўмацаваць сваю рэпутацыю дзеяннямі, здольнымі прыцягнуць дадатковую ўвагу да дапамогі, якую ЗША надаюць Украіне, сказаў газеце былы высокапастаўлены чыноўнік Пентагона Джым Таўнсэнд, які займаўся сувязямі з Еўропай і NATO.
«Ёсць рэчы, якія Байдэн можа паставіць сабе ў заслугу і якія важныя для яго спадчыны, але важна, каб людзі таксама звярнулі на іх увагу».