Зяленскі: Украіна набліжаецца да магчымасці ўжываць уласныя ракеты

• 23.07.2024, 21:04

Ракетная праграма краіны мае добрую дынаміку.

Украіна ў будучыні плануе ўжываць уласныя ракеты. Ракетная праграма краіны мае добрую дынаміку.

Пра гэта паведамляе Charter97.org са спасылкай на вечаровы зварот прэзідэнта Украіны Уладзіміра Зяленскага.

«Наша ракетная праграма мае добрую дынаміку, і хоць гэта цяжкая задача, але паступова мы набліжаемся да магчымасці ўжываць свае ракеты, а не толькі спадзявацца на ракеты ў пастаўках ад партнёраў», – адзначыў Зяленскі.

Паводле ягоных словаў, Украіна з часам павінна стаць максімальна самастойнай у пытанні абароны, паколькі такія дзяржавы «заўсёды лягчэй знаходзяць дзейсных хаўруснікаў і рэалізуюць свае інтарэсы».