Сырскі: Украіна мае цалкам рэалістычны план вяртання Крыма

• 24.07.2024, 14:56

Гетман УСУ заявіў, што гэта выканальная місія.

Гетман УСУ Аляксандр Сырскі заявіў, што ва Украіны ёсць план вяртання Крыма і што гэта выканальная місія.

Пра гэта гетман УСУ заявіў у інтэрв'ю The Guardian.

Выданне апублікавала даслоўны пераказ гутаркі з Сырскім на гэтую тэму: «Ён сказаў, што Кіеў мае план вяртання Крыма, больш чым праз дзесяць гадоў пасля таго, як Уладзімір Пуцін незаконна анэксаваў яго. Ці сапраўды гэта магчыма? «Гэта рэалістычна. Вядома, гэта вялікая вайсковая таямніца», - сказаў генерал».

Сырскі таксама дадаў, УСУ зробяць «усё магчымае, каб дасягнуць міжнародна прызнаных межаў 1991 года»: «Мы павінны перамагчы...каб вызваліць нашых грамадзян, якія знаходзяцца на акупаваных тэрыторыях, якія цярпяць».

Гетман УСУ запэўніў, што ён ведае, як перамагчы Расею.

«Але я ведаю, што мы пераможам. Я ведаю, як я мушу гэта зрабіць. І я ўпэўнены, што мы гэта зробім», - падсумаваў Сырскі.