Дзве краіны перададуць Украіне танкі Leopard

• 25.07.2024, 10:12

Ужо гэтым летам.

Нідэрланды анансавалі пастаўку Украіне партыі танкаў Leopard 2A4, якія краіна набыла супольна з Даніяй, піша "Еўрапейская праўда".

Партыя з 14 танкаў Leopard 2A4 адправіцца ва Украіну ўжо гэтым летам.

Летась Нідэрланды разам з Даніяй набылі 14 патрыманых танкаў Leopard 2A4. Яны былі капітальна адрамантаваны нямецкай фірмай Rheinmetall.

На працягу некалькіх дзён апошнія два танкі Leopard 2 праходзяць кантрольныя выпрабаванні ў рамках пастаўкі.

Першыя 12 танкаў ужо падрыхтаваны да адпраўкі. Усе 14 танкаў будуць дастаўлены адначасова да канца лета.

«Украіна тэрмінова мае патрэбу ў большай вайсковай падтрымцы, улічваючы цяжкія баі на полі бою. Гэтыя танкі могуць адыграць важную ролю для ўкраінскага войска ў абароне ад расейскіх сіл. Разам з саюзнікамі і партнёрамі Нідэрланды будуць працягваць падтрымліваць Украіну столькі, колькі будзе неабходна», - адзначыў міністр абароны Нідэрландаў Рубен Брэкельманс.