УСУ збілі расейскі гелікаптэр «Ка-52» пад Курскам

• 10.08.2024, 17:33

«Алігатара» знішчылі з ПЗРК.

Расейская ваенная авіяцыя прадаўжае несці страты ў вайне супраць Украіны.

Сёння, 10 жніўня, быў ліквідаваны расейскі баявы гелікаптэр «Ка-52».

Пра гэта паведаміў расейскі Z-канал Fighterbomber, які звязаны з ваеннай авіяцыяй РФ, паведамляе Дыялог.UA.

Мяркуючы з усяго, борт быў знішчаны ў баях за Курскую вобласць Расеі. Ваяр УСУ збіў яго з дапамогай пераноснага зенітна-ракетнага комплексу (ПЗРК).

«ПЗРК ва ўпор… Ваенлёты ведаюць, што без іх не справяцца. Ваенлёты ваююць», – напісаў расейскі Z-канал.

Папярэдне, экіпаж расейскага гелікаптэра, які складаецца з 2 чалавек, ліквідаваны.

Ка-52 «Алігатар» – гэта расейскі баявы гелікаптэр, распрацаваны для вядзення баявых дзеянняў. Прызначаны для знішчэння танкаў, бронятэхнікі, нізкалётных цэляў, а таксама падтрымкі сухапутных войскаў. Можа развіваць хуткасць да 300 км/г. Баявы радыус дзеяння складае да 460 км. Практычная столь – 5,5 км. Можа запускаць кіраваныя ракеты Віхура і Атака, а таксама некіравальныя авіяцыйныя ракеты. Мае падвескі для бомбаў і ракетаў. На 2024 год арыентавальны кошт аднаго гелікаптэра «Ка-52» складае блізу $14–16 млн.