NYT: Харыс упэўнена абыходзіць Трампа ў трох ключавых штатах

• 10.08.2024, 17:08

Яны лічацца вызначальнымі для перамогі на выбарах прэзідэнта ЗША.

Віцэ-прэзідэнт ЗША Камала Харыс абыходзіць Дональда Трампа ў трох штатах, якія лічацца вызначальнымі для перамогі на выбарах прэзідэнта краіны. Гэта паказала новае апытанне, праведзенае па замове The New York Times..

Так, Харыс апярэджвае Трампа на чатыры працэнтныя пункты ў Вісконсіне, Пенсільваніі і Мічыгане: ва ўсіх трох штатах галасы выбарцаў размеркаваны аднолькава - 50% за Харыс, 46% за Трампа.

Як адзначае NYT, гэта адно з першых высакаякасных апытанняў, праведзеных ужо пасля зняцця Джо Байдэна з прэзідэнцкай гонкі. Да таго Трамп меў невялікую перавагу над кандыдатам ад дэмакратаў.

«Дэмакраты зараз маюць прыкметна мацнейшую пазіцыю ў гэтых трох хісткіх штатах, якія на працягу доўгага часу былі ключавымі для перамог ці паражэнняў партыі. Тым не менш, вынікі паказваюць уразлівыя месцы спадарыні Харыс. Выбарцы аддаюць перавагу спадару Трампу, калі гаворка ідзе пра тое, каму яны давяраюць эканоміку і іміграцыю, пытанні, якія застаюцца цэнтральнымі ў прэзідэнцкай гонцы», - піша NYT.