УСУ прарваліся яшчэ на адным кірунку ў Курскай вобласці

• 11.08.2024, 8:51

Ідзе наступ на поўдзень ад Суджанскага раёна.

УСУ распачалі ўдалую спробу далейшага прасоўвання ў Курскай вобласці. На гэты раз - у бок Бялаўскага раёна гэтага рэгіёну. У СМІ з'явілася інфармацыя аб баях на поўдзень ад Суджанскага раёна.

«На гэтай хвалі з'явіліся і паведамленне пра баі ў Краснаяружскім раёне: на гэты момант яны не пацвярджаюцца…Такая тактыка была б для ўкраінскіх фармаванняў лагічнай: абыход праблемнага адрэзку, дзе сканцэнтраваная найбольшая ўвага, заход праз лесапалосы і ўрочышчы на «немедыйны» адрэзак з такімі жа характэрнымі праблемамі, як і ў Суджанскім і Карэнеўскім раёнах», - паведамляе адзін з праўладных Z-каналаў «Рыбарь».

Гэтак жа адзначаецца, што на карысць такой тактыкі з боку УСУ кажа тое, што «гэта б прымусіла адцягнуць частку намаганняў «пажарных каманд» ад Суджы і Корэнева».

Раней сайт Charter97.org паведаміў, што УСУ цалкам акружылі Суджу і кантралююць 650 кв км расейскай тэрыторыі.