Мінабароны Беларусі перакідае новую вайсковую тэхніку да мяжы з Украінай

• 11.08.2024, 10:22

Адпраўленае яшчэ адно механізаванае злучэнне.

Мінабароны адпраўляе дадатковую вайсковую тэхніку да граніцы з Украінай у Гомельскай вобласці. Пра гэта паведамляе тэлеграм-канал Мінабароны.

У Мінабароны заявілі, што падраздзяленні аднаго з механізаваных злучэнняў прыведзеныя ў гатоўнасць да выканання задач па прызначэнні.

«Вайскоўцы ажыццяўляюць пагрузку вайсковай тэхнікі на чыгуначны транспарт і пачынаюць здзяйсненне маршу камбінаваным спосабам у прызначаныя раёны», — гаворыцца ў паведамленні ведамства.

Нагадаем, 10 жніўня міністр абароны Віктар Хрэнін заявіў аб узмацненні груповак войск на Гомельскім і Мазырскім тактычных кірунках.

Да гэтага аб ліквідацыі ў паветранай прасторы Беларусі беспілотнікаў, якія нібыта былі запушчаныя Украінай, заявіў Аляксандр Лукашэнка.