«Гэта стане значнай стратай для Пуціна»

• 11.08.2024, 12:20

У NATO назвалі галоўныя мэты Украіны ў Курскай вобласці.

Экспертка NATO Стэфані Бабст мяркуе, што дзеянні УСУ ў Курскай вобласці ў РФ з'яўляюцца раптоўнымі і добра спланаванымі. Яна выдзеліла 5 мэт, якія могуць мець УСУ ў РФ. Аб гэтым яна сказала ў каментары нямецкаму выданню Bild.

Экс-кіраўніца штаба стратэгічнага планавання NATO Стэфані Бабст адзначыла падрыхтаванасць дзеянняў украінскіх байцоў на тэрыторыі РФ.

Яна мяркуе, што УСУ маюць наступныя мэты:

націснуць на Пуціна;

давесці сваю баяздольнасць - самой Украіне і Захаду;

аслабіць ціск расейскіх войск на іншых адрэзках фронту;

захапіць Курскую АЭС і пасля абмяняць яе на захопленую Расеяй Запарожскую АЭС падчас перамоў;

стукнуць па газавым экспарце Пуціна.

Стэфані Бабст мяркуе, што Украіна ў адрозненне ад Берліна і Вашынгтона зразумела, што павінна паставіць расейцаў у абарончае становішча і адначасова паказаць, што УСУ самі могуць ціснуць на расейскага агрэсара і ў перспектыве пераканаць хаўруснікаў адмовіцца ад згубных абмежаванняў выкарыстання заходніх сістэм узбраенняў.

Таксама ўкраінцы імкнуцца рассеяць УС РФ, якія былі сканцэнтраваныя ў Данецкай вобласці. Бабст таксама выказала сумневы, што УСУ хочуць захапіць Курскую АЭС, бо «ў ваенным плане гэта быў бы вельмі доўгі і цяжкі шлях».

На яе думку, УСУ хутчэй імкнуцца кантраляваць газавымяральную станцыю ў Суджы, праз якую ажыццяўляецца газавы экспарт. Станцыя - ключавы элемент апошняга газаправода, які звязвае Еўропу і Расею.

«Гэта стала б значнай стратай для газавага бізнэсу Пуціна», - мяркуе Бабст.