З’явілася відэа, як беларускія танкі накіроўваюцца да мяжы з Украінай

• 11.08.2024, 12:42

Сітуацыя абвастраецца.

Мінабароны Беларусі паказала танкі, якія перакідае ў рэгіёны на граніцы з Украінай.

У ведамстве запэўніваюць, што «падраздзяленні аднаго з механізаваных злучэнняў прыведзеныя ў гатоўнасць да выканання задач па прызначэнні».

«Вайскоўцы ажыццяўляюць пагрузку вайсковай тэхнікі на чыгуначны транспарт і пачынаюць здзяйсненне маршу камбінаваным спосабам у прызначаныя раёны», - заявілі ў Мінабароны Беларусі.

Акрамя таго, беларускія вайскоўцы паказалі і кадры пагрузкі вайсковай тэхнікі на чыгуначны эшалон.

10 жніўня ў Мінабароны Беларусі заявілі, што накіруюць войскі і сістэмы «Іскандэр», «Паланэз», каб нібыта ўзмацніць вобласці, якія мяжуюць з Украінай.

Гэтая заява прагучала пасля таго, як дыктатар Аляксандр Лукашэнка абвінаваціў Украіну ў парушэнні паветранай прасторы Беларусі.