Баі ў Курскай вобласці: расейскія камандзіры прыкрываюцца салдатамі тэрміновай службы

• 11.08.2024, 14:59

Ненавучаных навабранцаў прывезлі ў рамках «камандзіроўкі».

Расейскія салдаты тэрміновай службы застаюцца на пазіцыях у Курскай вобласці - камандзіры адмаўляюцца адводзіць іх у тыл, заявіла крыніца ў адной з арганізацый, якая надае прававую дапамогу расейскім вайскоўцам, пішуць расейскія СМІ.

Са слоў крыніцы, салдат тэрміновай службы абвясцілі баявым падраздзяленнем, ім даюць баявыя каманды. Такую інфармацыю перадалі маці дваіх вайскоўцаў.

У СМІ ўдакладнілі, што гаворка ідзе аб тэрмінавіках, якія служаць у частках у іншых рэгіёнах і былі накіраваныя ў Курскую вобласць у рамках камандзіроўкі. Зрэшты, вядома, што некаторыя салдаты прыехалі з Варонежскай вобласці.