У Шчучынскім раёне ў лесе знік трохгадовы хлопчык

• 11.08.2024, 18:17

Дзіця згубілася паблізу вёскі Даўлюдаўшчына.

У Шчучынскім раёне знік трохгадовы хлопчык Руслан. Міліцыя абвясціла вышук.

Дзіця згубілася 11 жніўня блізу 14.30 у лесе паблізу вёскі Даўлюдаўшчына.

На ягоныя пошукі ўзняты ўвесь асабовы склад мясцовага райаддзела міліцыі, задзейнічаныя вайскоўцы ўнутраных войскаў, супрацоўнікі МНС і добраахвотнікі.

Прыкметы: рост блізу 100 сантыметраў, вочы карыя, валасы цёмныя.

Быў апрануты: светлая кепка, светлая куртка, цёмна-сінія штаны, зялёныя красоўкі.

Калі вам штосьці вядома пра месцазнаходжанне зніклага дзіцяці – паведаміце пра гэта ў міліцыю на нумар 102.