Сырскі заінтрыгаваў паведамленнем у сацсетцы

• 11.08.2024, 20:09

Галоўкам УСУ намякае на падзеі ў Курскай вобласці?

Галоўны камандзір Узброеных сілаў Украіны Аляксандр Сырскі заінтрыгаваў новым паведамленнем у Telegram у нядзелю, 11 жніўня.

Генерал паведаміў пра падаўжэнне аперацыі, якую вядуць украінскія вайскоўцы.

«Прадаўжаем аперацыю», – падпісаў сваё фота ля мапы галоўкам, відавочна намякаючы на падзеі ў Курскай вобласці Расеі.

Раней Сырскі ўжо публікаваў такі пост. 8 жніўня ён выклаў у Telegram фота і падпісаў яго так: «Працую ў зыходным раёне».

Зыходны раён – гэта месца, з якога пачынаецца высоўванне падраздзяленняў падчас наступу. Дзеянні УСУ ў Курскай вобласці Расеі Сырскі афіцыйна яшчэ не каментаваў.

Ужо шосты дзень у памежных раёнах Курскай вобласці вядуцца баявыя дзеянні. Расея ўвяла рэжым контртэрарыстычнай аперацыі адразу ў трох прымежных з Украінай абласцях.