«Пуцін у шокавым стане»
- 14.08.2024, 11:57
У Крамлі не ведаюць, якія каманды аддаваць для ўтрымання Курска.
У расейскага дыктатара Уладзіміра Пуціна невялікі інструментарый для адказу на аперацыю ў Курскай вобласці. Пуцін знаходзіцца ў стане шоку і не ведае, якія каманды аддаваць.
Начальнік расейскага Генштаба Валерый Герасімаў проста занядбаў гэтую сітуацыю і паказаў, што ён не можа адэкватна ацэньваць абстаноўку. Герасімаў дакладваў Пуціну, што ўсё добра і ўсё пад кантролем, хаця гэта было не так.
Пра гэта сказаў вайсковы экспэрт Міхаіл Самусь, дырэктар New Geopolitics Research Network і экспэрт Цэнтра даследаванняў войска, канверсіі і раззбраення, у эфіры "Эспрэса".
“Інструментарый у Пуціна невялікі, гэта значыць, усе бачылі, у якім ён стане знаходзіцца, ён рэальна ў шокавым стане, ён не ведае, якія каманды аддаваць, таму што Герасімаў, начальнік генштаба, проста запусціў гэтую сітуацыю. Проста прадэманстраваў, што ён не можа рэальна адэкватна ацэньваць абстаноўку і дакладваў Пуціну, што ўсё добра, усё пад кантролем і нават апошні яго даклад у першыя дні пачатку Курскай аперацыі, ён дакладваў, што перайшло ўсяго толькі тысяча ўкраінскіх вайскоўцаў, 700 забіта, застаюцца рэшткі, якія бегаюць па лясах і гэтак далей”, - адзначыў Самусь.
Ён нагадаў, што цяперашнія даклады Герасімава Пуціну аб сітуацыі на Куршчыне вельмі падобныя да таго, як дакладвалася Пуціну ў лютым-сакавіку 2022-га года перад катастрофай, калі расейскія акупанты пачалі ўцякаць з Кіеўскай, Чарнігаўскай і Сумскай абласцей.
На аснове розных звестак Самусь выказаў меркаванне, што расейскі дыктатар Пуцін мог даручыць кантроль над сітуацыяй у Курскай вобласці людзям са свайго найбліжэйшага атачэння.
“Дзюмін і Золатаў - гэта найбліжэйшыя людзі да Пуціна і была інфармацыя, што нібы Пуцін даручыў Дзюміну і Золатаву каардынаваць якраз контртэрарыстычную аперацыю. Розная інфармацыя паступае, зараз яны быццам бы зняпраўджваюць, што Дзюміну і Золатава даручылі каардынаваць гэтую контртэрарыстычную аперацыю, але фактычна цяпер Пуцін не ведае, што рабіць, гэта значыць Герасімаву дадзеная каманда працягваць наступ на Данбасе, магчыма, Дзюміну, Золатава будзе даручана каардынаваць контртэрарыстычную аперацыю ў Курскай вобласці, але што рабіць далей, калі не стае рэзерваў, ён не можа нават адну дывізію зняць з Данбаса, каб неяк нейтралізаваць пагрозу прасоўвання ўкраінскіх сіл у Курскай вобласці”, - адзначыў экспэрт.