Палітвязня, выпушчанага паводле амністыі, зноў адправілі ў калонію

• 15.08.2024, 16:01

На 2,5 гады.

Былога палітвязня Пятра Зіневіча, якога раней выпусцілі паводле амністыі, асудзілі на 2,5 гады калоніі, піша праваабарончы цэнтр “Вясна”. Яго і яшчэ двух жыхароў Баранавічаў Аляксандра Тарасевіча і Дзмітра Блашчаніцу прызналі вінаватымі паводле ч.1 арт.342 Крымінальнага кодэкса за ўдзел у акцыі пратэсту ўночы з 9 на 10 жніўня 2020 года.

Прысуд быў агучаны ў судзе Баранавіцкага раёна і горада Баранавічы 15 жніўня. Працэс вяла суддзя Аксана Ліцвінчык.

Тарасевіча і Блашчаніцу прысудзілі да 1,5 года калоніі агульнага рэжыму кожнага.