УСУ ўзялі яшчэ тры населеныя пункты на ўсход ад Суджы

• 16.08.2024, 7:42

Мапа прасоўвання ўкраінскіх сіл.

УСУ ўстанавілі поўны кантроль над Суджай і прасунуліся на 3 км на ўсход ад горада.

Пра гэта паведамляе нямецкі вайсковы аглядальнік Юльян Ропке, аналізуючы інфармацыю з адкрытых крыніц.

Эксперт адзначае, што ўкраінскія сілы зайшлі ў Суджу ў пачатку тыдня, а ў наваколлях горада ішлі баявыя дзеянні.

Размова ідзе пра Мірнае, Бандароўку і Міхайлаўку. Аб прысутнасці ўкраінскіх сіл у Мірным стала вядома яшчэ 12 жніўня, а 14 чысла - аб прысутнасці ў Бандароўцы. Таксама ўкраінскае войска заняла Міхайлаўку.

Аналітык акцэнтаваў увагу на тым, што Міхайлаўка размешчаная ў 3 км на ўсход ад Суджы. У сваю чаргу, на паўночна-заходнім флангу ўкраінскія байцы зайшлі ў вёску Унезапнае, там ідзе прасоўванне ў бок Корэнева.