У Курскай вобласці пад удар трапіла вялікая калона войск РФ

• 16.08.2024, 8:48

Калону разбілі ля пасёлка Коранева.

У Курскай вобласці Расеі, дзе ідзе наступальная аперацыя ўкраінскіх сіл, разбітая чарговая вялікая калона тэхнікі УС РФ. Расейцы зноў панеслі вялікія страты на ўласнай тэрыторыі, піша «Обозреватель».

Інфармацыю пра гэта «зліў» у сетку адзін з расейскіх прапагандыстаў. Ён абвінаваціў «камандзіраў-ідыётаў» у паўтарэнні гісторыі, якая некалькі дзён таму здарылася пад Рыльскам.

Са слоў «ваенкара», які заявіў аб стратах, на гэты раз расейскую калону тэхнікі разбілі ля пасёлка Коранева. Населены пункт знаходзіцца паміж Рыльскам і Суджай.

«Пад Кораневым здарылася роўна тое самае, што пад Рыльскам. Няма на вайне горш за бяду, чым ідыёт камандзір. Вораг памылак не даруе», - напісаў прапагандыст.