Літва дазволіла заязджаць на беларускіх нумарах, калі гаспадар за стырном і мае ДНЖ ці візу Літвы

• 16.08.2024, 9:22

Літоўская мытня апублікавала новыя правілы.

Афіцыйная Вільня пайшла на саступкі ў дачыненні да абмежаванняў, якія тычацца забароны на ўезд легкавых аўтамабіляў з беларускімі рэгістрацыйнымі нумарамі.

Як паведамляе літоўская мытня, на пастанову камісіі ў каардынацыі міжнародных санкцый з 17 жніўня 2024 года а 00:01 дазволена:

— уезд на тэрыторыю Літвы легкавога аўтамабіля, які не прызначаны для продажу і належыць грамадзяніну Беларусі, і які мае сапраўдную візу, выдадзеную Літвой, або сапраўдны часовы або сталы дазвол на жыхарства ў Літве, які дазваляе ўезд у ЕЗ, і кіруе гэтым сродкам выключна для асабістага карыстання (выключэнне не распаўсюджваецца на легкавыя аўтамабілі, якія належаць юрыдычным асобам або выкарыстоўваюцца ў камерцыйных мэтах);

- уезд на тэрыторыю Літвы легкавога аўтамабіля, які не прызначаны для продажу і належыць грамадзяніну дзяржавы

- чальца Еўрапейскага Звязу, калі ён з'яўляецца грамадзянінам Беларусі і кіруе гэтым транспартным сродкам выключна для асабістага карыстання.