У Зяленскага з'явіўся дарадца ў санкцыйнай палітыцы

• 16.08.2024, 17:33

Што пра яго вядома.

Уладзімір Зяленскі прызначыў Уладзіслава Уласюка дарадцам – упаўнаважаным у санкцыйнай палітыцы. Пра гэта гаворыцца ва ўказе прэзідэнта Украіны № 506/2024 ад 16 жніўня.

Уласюк мае юрыдычную адукацыю, праходзіў стажыроўку ў Лондане. Ён з'яўляецца кандыдатам юрыдычных навук. З 2020 года быў пазаштатным дарадцам Офіса прэзідэнта Украіны. У 2015–2016 гадах працаваў на розных пасадах у структурах Нацпаліцыі. Потым перайшоў на працу ў Міністэрства юстыцыі, дзе цягам 2017–2019 гадоў узначальваў Дырэктарат правоў чалавека.

У красавіку 2022 года Уласюк стаў сакратаром Міжнароднай працоўнай групы ў санкцыях супраць Расеі, вядомай, як санкцыйная група Ермака-Макфола.

Акрамя таго, Уласюк з'яўляецца першым намеснікам кіраўніка і першым сакратаром міжведамаснай групы Task Force UA, якая займаецца пошукам і адабраннем актываў асобаў, якія маюць дачыненне да здзяйснення ўзброенай агрэсіі РФ.