Да +33 градусаў чакаецца ў Беларусі ў суботу

• 16.08.2024, 20:54

Абвешчаны аранжавы ўзровень небяспекі.

Аранжавы ўзровень небяспекі праз спякоту абвешчаны ў Беларусі на 17 жніўня. Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У суботу будзе пераменная воблачнасць. Месцамі пройдуць кароткачасовыя дажджы, прагрымяць навальніцы. Уначы і раніцай у асобных раёнах – слабы туман. Вецер паўднёвы, паўднёва-заходні 4–9 м/с, пры навальніцах парывы ўзмоцняцца да 14 м/с. Тэмпература паветра ўначы складзе плюс 13–19 градусаў, днём будзе вагацца ад плюс 26 градусаў па поўначы да плюс 33 па поўдні. У сувязі з гэтым Белгідрамет абвясціў аранжавы ўзровень небяспекі.