У Іўеўскім раёне мужчыну ўдарыла токам падчас падзарадкі тэлефона

• 16.08.2024, 21:29

Ён загінуў.

Мёртвага 54-гадовага жыхара вёскі ў Іўеўскім раёне знайшлі дома. Побач з трупам былі мабільны тэлефон і зарадная прылада з відавочнымі прыкметамі няспраўнасцяў, паведамілі ў Дзяржаўным камітэце судовых экспертызаў.

На далонях мужчыны судовыя эксперты выявілі характэрныя для ўдару электрычнага току «электраметкі» – пашкоджаныя часткі скуры, праз якія адбыўся ўваход электрычнага разраду.

Згодна з высновай судова-медыцынскай экспертызы, прычына смерці – уздзеянне тэхнічнай электрычнасці.