Колькі каштуе сабраць дзіця ў школу ў 2024 годзе

• 2.08.2024, 12:32

1 верасня абыдзецца беларусам у капейчыну.

Пра тое, колькі сёлета будуць каштаваць канцэлярыя і форма для школьнікаў, расказала Начальніца ўправы арганізацыі гандлю і грамадскага харчавання МАРГ Наталля Мельнікава, піша thinktanks.by.

Падчас прэс-канферэнцыі, прысвечанай пачатку работы школьных базараў, Наталля Мельнікава расказала, што сёлета сярэдні кошт камплектаў дзелавога адзення і абутку складае ад 120 да 620 рублёў.

Прыкладны кошт адзення для вучняў пачатковых класаў складае ад 120 да 600 рублёў, сярэдніх класаў - ад 180 да 580 рублёў, старэйшых класаў - ад 170 да 620 рублёў.

Набор пісьмовага і канцылярскага начыння для малодшых класаў будзе каштаваць да 270 рублёў, а для старэйшых класаў - да 260 рублёў.

Пры гэтым было адзначана, што ў Менску і Менскай вобласці канцылярскія прадметы будуць каштаваць даражэй.