Францыя заклікала суайчыннікаў тэрмінова пакінуць Іран

• 2.08.2024, 16:30

Уся краіна знаходзіцца ў «чырвонай» зоне.

Міністэрства замежных спраў Францыі ў пятніцу, 2 жніўня, заклікала суграмадзян, якія яшчэ могуць знаходзіцца ў Іране, пакінуць краіну «як мага хутчэй» праз падвышаную рызыку ваеннай эскалацыі паміж Ізраілем і Тэгеранам.

Пра гэта паведамляе «Еўрапейская праўда».

Французскае замежнапалітычнае ведамства ў рэкамендацыях па паездках у Іран нагадала, што ўся краіна знаходзіцца ў «чырвонай» зоне.

«Таму французскім грамадзянам афіцыйна рэкамендуецца ўстрымацца ад паездак у Іран з усякіх прычын», - дадалі там, заклікаўшы суайчыннікаў таксама «трымацца далей ад усякіх дэманстрацый».

МЗС Францыі не ўдакладняе колькасць французаў, якіх можа датычыцца гэтая рэкамендацыя.

На гэтым тыдні стала вядома аб забойстве ў Тэгеране Ісмаіла Ханіі - палітычнага лідара палестынскага ісламісцкага руху ХАМАС. Іран і яго лібанскі хаўруснік «Хезбала» абвінавацілі ў забойстве Ізраіль.

Гэта, а таксама ізраільскі ўдар у прыгарадзе Бейрута, у выніку якога быў забіты вайсковы лідар «Хезбалы», адрадзілі асцярогі, што вайна можа распаўсюдзіцца на ўвесь Блізкі Усход паміж Ізраілем, з аднаго боку, і Іранам і падтрымоўванымі ім групамі.