СМІ назвалі самага імавернага кандыдата ў віцэ-прэзідэнты Камалы Гарыс

• 2.08.2024, 19:48

Ім можа стаць губернатар Пенсільваніі.

Найбольш імавернай кандыдатурай Дэмакратычнай партыі ЗША ў віцэ-прэзідэнты з'яўляецца губернатар Пенсільваніі Джош Шапіра, хоць Камала Гарыс яшчэ не зрабіла канчатковы выбар.

Пра гэта даведаўся Axios ад крыніц у Белым доме, кампаніі Гарыс і Дэмакратычнай партыі.

Са слоў суразмоўцаў Axios, 51-гадовы Шапіра з'яўляецца найбольш лагічным і чаканым выбарам Гарыс як кандыдата ў віцэ-прэзідэнты ЗША ад Дэмпартыі.

Сярод іншага, Пенсільванія дае на выбарах прэзідэнта 19 галасоў выбарцаў - гэта найбольшая колькасць галасоў ад так званага ключавога штата, які не падтрымлівае традыцыйна Дэмакратычную або Рэспубліканскую партыю.

Таксама стала вядома аб скасаванні Шапірам серыі мерапрыемстваў па зборы сродкаў, што можа ўказваць на яго падрыхтоўку да іншай ролі ў кампаніі дэмакратаў, а на Уол-стрыт чакаюць, што Камала Гарыс абярэ кандыдатам у віцэ-прэзідэнты дзейнага губернатара.

У камандзе віцэ-прэзідэнта ЗША, якую яшчэ павінны афіцыйна вылучыць кандыдатам на выбарах, заклікалі журналістаў не рабіць паспешных высноваў. Але суразмоўцы Axios лічаць, што ў яе няма лепшага выбару, акрамя Джоша Шапіра.