«Гэта нейкая ганьба!»: Z-ваенкар накінуўся з абразамі на Пуціна

• 3.08.2024, 14:55

Прапагандыст западозрыў, што ў вайне саступілі.

Ультраправы расейскі Z-ваенкар Alex Parker Returns, які знаходзіцца ў Канадзе, закаціў істэрыку з нагоды «СВА». Ён пачаў падазраваць, што ў вайне супраць Украіны саступілі. У сваім блогу прапагандыст паспрабаваў падвесці вынікі «спецаперацыі». І яны яму вельмі не спадабаліся, паведамляе Дыялог.UA.

Z-ваенкар дзёрзка назваў «пыпай» дыктатара РФ Уладзіміра Пуціна, які выявіўся няздольным акупаваць Украіну. Узгадаў прапагандыст яму разгром Чарнаморскага флоту РФ і ўцёкі караблёў з Крыма, паспяховыя ўкраінскія ўдары па вайсковых цэлях РФ, а таксама правал тактыкі тэрору ўкраінцаў.

«Пыпа, вынікі. У Севастопалі раскіданыя касетныя БК ад гэтых самых АТАКМС (амерыканскіх ракет ATACMS - рэд.). Чарнаморскі флот перабазаваны ў Новарасійск, але ў чаканні новых «няпростых пастаноў» проста зараз ідзе будаўніцтва стаянкі для караблёў ужо ў Абхазіі. Натуральна, дзеля «перагрупоўкі ў мэтах паляпшэння пазіцый». Пасля апошняга ганебнага канцэрта, калі стратэгічныя бамбавікі раптам развярнуліся і паляцелі на аэрадромы базавання, не ажыццявіўшы пускаў, (украінцы - рэд.) стукнулі па Севастопалі касетнымі БК. Нават 90 дронаў, якія імітуюць «Геранькі» з (экскрэментаў - рэд.) і палак, чамусьці не змаглі напалохаць (украінцаў - рэд.). Удары па аб'ектах энэргетыкі таксама спыненыя. Гэта нейкая ганьба!» - абурыўся расейскі ультрапатрыёт.