Румынія плануе супольна з Украінай распрацоўваць ракеты «Нептун»

• 3.08.2024, 14:44

Пасля мадэрнізацыі яны змогуць знішчаць цэлі на адлегласці да тысячы кіламетраў.

Румынія, паводле прыкладу іншых еўрапейскіх краін, плануе развіваць узбраенне ў супрацоўніцтве з Украінай, прынамсі, у распрацоўцы айчынных супрацькарабельных ракет Р-360 «Нептун».

Аб гэтым паведамляе выданне Army Recognition.

Адзначаецца, што аб тым, што ўкраінская абаронная прамысловасць працуе над мадэрнізацыяй Р-360, стала вядома яшчэ ў красавіку 2023 года, хаця канчатковыя вынікі гэтых намаганняў застаюцца нявызначанымі.

Планы румынска-ўкраінскага вайскова-прамысловага партнёрства разлічаныя на пасляваенны перыяд.

Для Румыніі цікавасць у гэтай распрацоўцы палягае ў супольным з Украінай кантролі прыбярэжных вод Чорнага мора. Адзначаецца, што зараз Украіна працуе над мадэрнізацыяй гэтых ракет, каб тыя маглі знішчаць цэлі на адлегласці да тысячы кіламетраў.