Удар па аэрадроме «Марозаўск» у РФ: З'явіліся спадарожнікавыя здымкі наступстваў

• 3.08.2024, 18:28

Фота зафіксавалі поўнае знішчэнне аднаго са складоў авіяцыйнага ўзбраення.

З'явіліся першыя спадарожнікавыя здымкі наступстваў паразы расейскага аэрадрома «Марозаўск» у ноч з 2 на 3 жніўня ў Растоўскай вобласці, піша праект DeepState.

– Здымкі нізкай якасці, хоць і крыху воблачныя, аднак наглядна дэманструюць маштабы разбурэнняў. Сярод іншага, поўнае знішчэнне аднаго са складоў авіяцыйнага ўзбраення гэтага аэрадрома, – канстатавалі аналітыкі.

Трэба адзначыць, што расейцы прыбралі ўсе самалёты са стаянкі непадалёк ад складоў, аднак ступень іх пашкоджанняў невядомая, дадалі ў паведамленні.