Гардон назваў момант, калі могуць прыбраць Пуціна

• 4.08.2024, 14:14

І кіраўнік Крамля гэта добра ведае.

Журналіст Дзмітрый Гардон выказаў меркаванне, што вызваленне Крыма стане канцом Пуціна ва ўсіх сэнсах слова. Дзмітрый Гардон запэўніў, што хутка Крым вернецца ў склад Украіны, Керчанскі мост выведуць са строю, а расейцы будуць ратавацца ўцёкамі з паўвострава, які будзе гарэць і выбухаць.

Спачатку журналіст апісаў, як будзе адбывацца доўгачаканая дэакупацыя Крыма: «Я цяпер не кажу нейкія таемныя рэчы (гэта на паверхні, таму я не выдаю нашых сакрэтаў). Мы ведаем, колькі ў Крыме знаходзіцца вайсковых частак, мы ведаем, колькі ў Крыме знаходзіцца вайсковых базаў, сродкаў СПА, складоў з паліва-змазачнымі матэрыяламі і зброяй. Уявіце сабе, што аднойчы ва ўсе гэтыя аб'екты нешта паляціць, і ўсе гэтыя аб'екты выбухаюць. Крымскага моста ўжо няма, а ўцячы хочацца. Як гэтыя расейцы пабягуць з Крыма на надзіманых матрацах, на ўсім, што можна».

Потым папулярны журналіст расказаў, калі кіраўніка Крамля могуць ліквідаваць: «Крым вынесуць да чортавай бабулі, і ўявіце сабе сітуацыю Пуціна, калі ён дзесяць гадоў радаваўся, што ў яго ёсць Крым і Крымскі мост, і ў яго гэтую табурэтку з-пад ног выбілі. Вось тут у гэтай сітуацыі, вядома, да яго могуць прыйсці "таварышы" і сказаць: "Уладзімір Уладзіміравіч, трэба адпачыць". Могуць і не сказаць, проста прыбраць і ўсё, таму што надыходзяць такія моманты ў жыцці любога дыктатара».

Каб пацвердзіць сваё меркаванне, што Пуціна пасля страты Крыма могуць ліквідаваць свае ж, журналіст нагадаў выпадак з гісторыі, калі атруцілі Сталіна. Ліквідавалі яго свае ў той момант, калі ён аслабеў, і яны гэта адчулі.