240 нелегалаў атакавалі польскую мяжу з Беларусі

• 5.08.2024, 15:00

У палякаў ляцелі камяні і галлё.

Больш за 240 чалавек спрабавалі незаконна перайсці беларуска-польскую мяжу 2-5 жніўня.

У пятніцу зафіксавана больш за 80 спроб нелегальнага перасячэння мяжы, у суботу - таксама больш за 80, у нядзелю - больш за 70, паведамляе Памежная служба Польшчы.

Мігранты спрабавалі пераадолець рэкі Пшэўлака і Свіслач, а ў некаторых выпадках паводзілі сябе агрэсіўна, кідаючы ў польскія патрулі камяні і галінкі дрэў.