Украінская рэкардсменка свету перамагла на Алімпіядзе ў скачках у вышыню

• 5.08.2024, 18:04

Яраслава Магучых прынесла Украіне другое золата на Гульнях у Парыжы.

Украінка Яраслава Магучых здабыла золата ў скачках у вышыню на Алімпіядзе ў Парыжы.

Яе вынік склаў 2,00 м.

Другое месца заняла аўстралійка Нікола Аліслагерс, якая таксама пераадолела вышыню два метры, але выдаткавала на гэта больш спроб.

Яшчэ шэсць спартовак узялі вышыню 1,95 м. Паводле дадатковых паказчыкаў (колькасці спроб) трэцяе месца падзялілі ўкраінка Ірына Герашчанка і аўстралійка Элінор Патэрсан.

Магучых прынесла Украіне другое золата на Алімпіядзе, раней шаблісткі перамаглі ў камандным турніры.

У пачатку ліпеня Магучых з вынікам 2,10 м пабіла сусветны рэкорд Стэфкі Кастадзінавай, які трымаўся з 1987 года.