З'явілася фота аэрадрома ў Марозаўску РФ пасля нападу УСУ

• 5.08.2024, 19:00

Зраўнялі з зямлёй.

У сетцы з'явілася фота наступстваў атакі дронаў на аэрадром Марозаўск у Растоўскай вобласці РФ. Пра гэта ў панядзелак, 5 жніўня, паведамілі OSINTtechnical у сетцы Х.

«Новае фота са склада боепрыпасаў на расейскай авіябазе Марозаўск, якую на мінулых выходных атакавалі ўкраінскія беспілотнікі. Склад цалкам знішчаны, а рэшткі боепрыпасаў раскіданыя па тэрыторыі», - гаворыцца ў паведамленні.

5 жніўня Галоўная ўправа выведкі Мінабароны Украіны паведаміла, што ў выніку ўдару па аэрадроме Марозаўск знішчаны расейскі бамбавік Су-34, яшчэ два, імаверна, пашкоджаныя абломкамі.

Марозаўск размешчаны за 265 кіламетраў ад лініі фронту.